Spanja, një nga destinacionet kryesore turistike në botë, theu rekorde si në numrin e turistëve ashtu edhe në të ardhurat nga turizmi gjatë sezonit 2024. Sipas Institutit Kombëtar të Statistikave të Spanjës (INE), vendi priti 53.37 milionë turistë në periudhën janar-korrik 2024, duke shënuar një rritje prej 12% krahasuar me të njëjtën periudhë të vitit të kaluar.
\nVetëm në muajin korrik, Spanja priti 10.9 milionë turistë. Gjithashtu, të ardhurat nga turizmi arritën në 71 miliardë euro në këta 7 muaj, një rritje prej 18.6% krahasuar me të njëjtën periudhë të vitit 2023.